આંખો રડી પડી અને રેલાય છે અવાજ,
છે બંધ હોઠ તો'ય વહી જાય છે અવાજ.
બોલ્યા તમે એ વાત ને વર્ષો થઇ ગયા,
દિલમાં હજીય એમ એ પડઘાય છે અવાજ … છે બંધ…
હોઠો નું સ્મિત આંખ ના મદમસ્ત ઇશારા,
શબ્દો વિનાય આજ તો સંભળાય છે અવાજ… છે બંધ…
છે એમનાથી તો'ય પરીચિત ઘણો છતાંય
દિલની છે વાત એટલે શરમાય છે અવાજ… છે બંધ…
દિલની દિવાલો ગુંજતી થઇ જાય છે 'મ્હેક'
જો એની યાદનો કદી અથડાય છે અવાજ… છે બંધ…
આંખો રડી પડી અને રેલાય છે અવાજ,
છે બંધ હોઠ તો'ય વહી જાય છે અવાજ.
Subscribe to:
Post Comments (Atom)
No comments:
Post a Comment